Ambrosii Calepini Dictionarium, in quo restituendo atque exornando haec praestitimus. Primum, non solum illud curauimus, quod ab omnibus iam solet, vt adderemus quamplurima; sed etiam, quod nemo hactenus fecit, vt multarum dictionum obscuram significationem aperiremus: deinde cum exempla quaedam Calepinus adduxerit, quae nunc in libris emendate impressis aliter leguntur, ea sustulimus, & aptiora reposuimus. Praeterea, cum totum dictionarium ex multiplici impressione redundaret erroribus, ad eos libros qui citabantur, crebro recurrimus, veramque lectionem, inde petitam, Calepino restituimus ... Additamenta Pauli Manutij, tum ad intelligendam, tum ad exornandam linguam Latinam, quaedam etiam ad Romanarum rerum scientiam utilissima